http://www.plaentxia.com

Danbakan zuzenean aritzeko 24. taldea aukeratzeko bozketa itxi da dagoeneko. %32,24arekin  Revelphone taldea irten da garaile. Zorionak!

Urtero bezala, Gaztelupeko hotsak Jazz eta musika beltzaz gozatzeko jaialdia antolatu du. Urriaren 17an izango da lehen kontzertua eta Urriaren 26an azkena. Guztira 4 emanaldi desberdin antolatu dituzte; Mutriku, Elgeta, Soraluze eta Elgoibarren eskainiko direnak.

Irailaren 28an Mendi taldeak Erniora antolatutako irteeran 140 lagunek hartu zuten parte eta 3 autobusetan irten ziren Soraluzetik. Giro bikainean egunpasa ederra egin zuten. Argazkia, Erniotik jeitsi zirenekoa, Trintxerako ostatuan.

Udalak antolatutako antzerki zikloak urriaren 3tik 17ra arte iraungo du. Barixakuro, ikusgai egongo dira 22:15ean kiroldegian.

Irailaren 20an, lagun batzuk Marraskilo Tourren parte hartzen ziharduten bitartean, txakur hau jaberik gabe galduta agertu zen. Txakurrarekin zer egin ez zekitela eta udaltzainetara jo zuten eta hauek txakurtegira eraman dute. Bere jabea ahal den eta azkarren topatzeko, ezaguna egiten bazaizu 943 75 13 04 telefonora deitu edo udaltzainen bulegora, 943 75 30 24 telefonora.

Danbaka musika lehiaketan parte hartu duten taldeen aukeraketa eginda dago dagoeneko. Revelphoni botua emateko: Danbaka.com 

Pasa den barixakuan, hilak 26, iluntze partia Soraluzekoa ez den pertsona bat bere autoarekin frontoitik Galipoterako eskaileretan behera joan zen. Denbora asko behar izan zuten autoa bertatik atera ahal izateko, eskailerek malda handia dute eta. Azkenean 2 garabi erabili behar izan zituzten. Ikusmira asko sortu zuen gertakari honek eta jende andana bildu zen bertan zer gertatu ote zen jakiteko. Auto gidariak ez du ezer larririk, sustoa baino ez. Bigarren aldia da horrelako zerbait ikusten dela herrian. 

Galtzaundi Euskara Taldeak Galtzakomik komiki lehiaketa antolatu du. Ekimena Euskal Herriko komikigile euskaldun guztiei zabalduta dago.