aldaketa handitxoa ez?
mendotz 2009-04-21 16:03:37
Kontzejupetik udal-aldizkarixa jaso nebanian "ostrás" pentsatu neban neure barrurako.
Kriston aldaketa zala pentsatu neban momentuan, beharbada denbora batera egingarrixa, baina gaurko egoeratik horretara salto egitea larregikua iruditxu jatan.
Geroztik beste buelta batzuk be emon dotsadaz eta nik uste filosofia onarekin eginda dagoela proposamena, baina pausoka-pausoka egin beharko liratekeela aldaketak. Ondo aztertu beharko lirateke aldaketen alde on eta txarrak.
Alde onak gehiago badira ba horren alde egin (sor daitezkeen arazoei konponbidea emanda noski), eta alde txarrak gehiago badira ba beste zerbaitetan pentsatu.
Nik azterketa horri emango nioke lehentasuna, ez dudalako uste erreferendumak gai honetarako balio duenik. Zergatik ez? Ba, Zeleta eta Estazio inguruko gehienek alde bozkatuko zutelako (aparkalekuak sortuko liratekeelako 279 sinadura batu dituzte saihesbidearen alde), eta errekaren beste aldekoek kontra (trafikoa asko handituko litzatekeelako). Beraz, segun eta nun bizi dan jende gehien horiek aukera gehiago lituzkete irabazteko. AHT-ren kontuarekin berdina pasatzen dela pentsatzen dut. Jende batek erreferenduma eskatzen du, baina galdera litzateke: zeinek du bozkatzeko eskubidea? AHT-k txikitzen dituen herrietako biztanleen bozkak edota Bilboko metropolian bizi direnenak berdin balioko al dute? Logikoa al da hori? Hau da... eztabaida sakonik eman gabe erreferendumek ba ote dute zentzurik?
Azken finean kontsentsuz hartutako herri erabaki bat behar da nere ustez, horretarako gai izango ginateke plaentxiarrak, edo? Hori bai, horretarako gaiaren inguruko azterketa serio bat behar dela pentsatzen dut.
Eta oraingoz ez dakat besterik esateko. Zapatuan danok dantzara Dantzari Egunian!! |